Librería Musical>Métodos y Obras>Gaita Asturiana y Gallega. Tambor y Otros.>Iniciación a la gaita asturiana

Nuevo

Iniciación a la gaita asturiana Ver más grande

20,00 €

Esti manual ta pensáu p'alumnos d'ente ocho y nueve años qu'empiecen cola gaita...

Más detalles

Opciones Disponibles

Quier ser una ferramienta qu'ayude al alumnu a garrar les destreces que faen falta pa la interpretación musical nun procesu entreteníu, eficaz y integral que nun queda namás nos conteníos técnicos sinón que tresciende tanto a los teóricos como a los actitudinales. Pa eso ponse como puntu de partida y como valor primordial el contactu col instrumentu dende'l primer día, el llinguaxe musical como exa vertebradora de la música y el valor del procesu antes que'l del resultáu.

Estructúrase en diez unidaes didáctiques con tres bloques temáticos estremaos: Llinguaxe Musical, Flauta y Gaita, que, al tiempu, subdivídense nuna parte espositiva de carácter teóricu y n'otra evaluativa con fiches d'exercicios de carácter prácticu sobre manera. El llibru ta concebíu pa que s'use a lo llargo d'un cursu escolar, partiendo siempre de la premisa de que la clas d'instrumentu tien asignada una hora selmanal y que, polo tanto, el calendariu escolar dexa más o menos trenta díes llectivos nun cursu. D'esta manera, la media ye de tres sesiones por unidá didáctica. Sicasí, pa dar más flexibilidá a esta temporalización, a lo último del cuadernu apúrrense delles fiches d'exercicios que van valir tanto d'actividaes d'ampliación -p'aquellos alumnos que yá algamaren los oxetivos didácticos- como d'actividaes de refuerzu -p'aquellos que tovía nun los algamaren-.

A lo llargo del cuadernu échase mano d'una batería de recursos didácticos ricos y variaos, d'ente los que podemos destacar l'usu d'ostinatos melódicos, harmonizaciones, percusiones, audiciones musicales, ilustraciones, imitaciones, canciones, etc. Toos ellos déxennos desenvolver una metodoloxía activa, participativa y de corrección directa nel mesmu procesu. Esta metodoloxía ta basada na secuenciación de dificultaes, nel usu de procesos tanto inductivos como deductivos y, sobre manera, nel principiu d'unidá y variedá, que nos permite incidir sobre un centru d'interés de manera repetida pero ensin cayer na monotonía.

Pareznos que lo importante d'un primer cursu d'iniciación nun instrumentu ye que sía entreteníu, que nun persiga oxetivos demasiao ambiciosos que provoquen frustraciones nel alumnu y, sobre too, que se valore'l procesu perriba del resultáu. Afirmamos que nun val de nada tocar un repertoriu mui ampliu cola flauta si a lo llargo'l cursu nun se tuvo'l más mínimu contactu cola gaita; de la mesma manera que tampoco nun val de nada tocar esi mesmu repertoriu cola gaita a costa de basar l'aprendimientu na imitación o de descuidar la postura, por exemplu, garrando vezos malos y postures antiestétiques y insalubres.

Concluímos que, anque con esti cuadernu nun se saquen unos resultaos que podríemos llamar convencionales, sí s'establecen unes bases necesaries y abondes pa garrar unes destreces y unos vezos amañosos que faciliten depués el desenvolvimientu del músicu profesional o aficionáu.